بوگون، 18 ژانویه 2025، آذربایجانین کولتور و مدنی فعاللاری "آذربایجان مدنی میللت" Az Civiv Nation جمعیتی طرفیندن تشکیل ائدیلن تؤرنه دؤنیانین مختلف اولکه‌لرندن زوم و کلاب‌هاوس کیمی آنلاین پلاتفورملار واسطه‌سی ایله بیر آرایا گلیب، بو بؤیوک استادین یاد و خاطیرسینی یاشاتدیلار. بو صمیمی مراسمده، استاد مرقانی‌نین آیله‌سی ده ایشتیراک ائدیب، اونون قییمتلی یادلاری و خاطیره‌لریندن دانیشدی.
بو عزیزلمه تؤرنه، تورکیه، آلمان، کانادا و باشقا اولکه‌لردن ایشتیراکچی‌لار، ناصر مرقانی‌نین آذربایجانین کولتور و ادبیاتا بوراخدیغی ده رین تاثیرلری تحلیل ائلدیلر. استادین یاخین دوستلاری، اؤیرنجی لری اونون یارادیقجیلاری و ادبیلتیمیزدا بوراخدیقلاری اتکیلر حاقیندا صحبت ائدیلر.
مراسمین بیر قسمینده، استاد مرقانی‌نین هنری و ادبی اثرلریندن، او جومله‌دن اتکیلی شعرلری، ایشتیراکچی‌لار طرفیندن اوخوندو و یاد اولوندی.
مراسمین آخیرندا، استادین عایله‌سی، اونون یادینی یاشاتماق اوچون چالیشان بوتون کس‌لره تشککؤر ائتدی و اونون فرهنگی و ادبی میراثینین گله‌جک نسل‌لرده ده یاشادیلماسی اومودونو ایفا ائتدی.
بوندان آرتیق، آذربایجانین اوستاد شاعیری ناصر مرقانی، ۲۳ آذرماه‌دا، ۷۵ یاشیندا، اوزوْن سورن بیر هسته‌لیگدن سونرا آلمانین برلین شهرینده وفات ائددی. او، ۱۶ تیرماه ۱۳۲۸ده تبریزده دونیایا گؤز آچیب. مرقانی، ایلک و اورتا تحصیلینی تبریزده تاماملایب، ۱۳۴۸جی ایلده دیپلم آلیب.
اول دورداکی سیاسی و اجتماعی فضا، اونون علیرضا نابدل (اوختای)نین تاثیرینین آلتیندا انقلابی شعرلر یازماق و سیاسی فعالیت لره باشلاماغینا سئبب اولوب. ۱۳۴۹جی ایلده سیاسی چالیشمالارینا گؤره حبس اولونوب و اونون شعرلری یوخ اولوب.
اینقلاب دان سونرا، مرقانی ادبی فعالیتلری یئنی‌دن باشلادی و شعرلرینی ۱۳۷۷جی ایلده «تالانمیش گونش» آدی ایله نشر ائتدی. اما سیاسی باسقیلار اونون مهاجرته مجبور ائدیب و نهایتا برلین شهرینده یاشامینی دوام ائدیردی.
